Тамыз айында Петропавл қаласының «№21 орта мектеп» КММ оқушылары «ЭКСПО-2017» халықаралық көрмеге барып қайтты. Осынау шараға жолдама алған жасақтың құрамында 75 шәкірт бар. Жолға шыққан оқушыларға бар жағдай жасалды. Әрбір 9 балаға бір жетекші мен 1 дәрігер бекітілген. Ал Астанаға жеткен соң, оқушылар ТЖ колледж жатақханасына жайғасты. Ас мәзірі де аталған оқу орнының асханасында үлестірілді.
Саяхат бастамасы Елордамыздағы бірқатар мәдени ошақтары «Астана-Бәйтерек» монументалды ғимаратын тамашалаудан басталды. Келесі кезекте қаланың зәулім үйлері мен ғимараттары көздін жауын алады.
«ЭКСПО-2017» көрменің басты нысаны — «Нұр әлем» ұлттық павильоны, сондай-ақ, шетелдіктердің ұсынған заманауи технологиясының жаңа жетістіктерін тамашалап, энергия-қуат күшін алатын тың жоба — жеке аймағымен танысты. Айта өтейік, Астанаға — «EXPO-2017» халықаралық көрмесіне жолдама оқуда озат болған оқушыларға ғана емес, әлеуметтік аз қамтылған отбасының балаларына да табысталған.
